Magaalada Nairobi ee dalka Kenya waxaa maanta ka furmaya shir madaxeed dalalka IGAD uga hadlayaan xal u helidda Qaxootiga Soomaalida.
Shirkan oo dowladda Kenya ay soo qabanqaabisay ayaa ujeedkiisu yahay in Qaxootiga Soomaalida dib loogu celiyo dalkooda isla markaana ay dunidu taageerto sidii dalkooda dib loogu dejin lahaa.
Dowladda Kenya waxaa shirkan waxaa la qabanqaabiyay Midowga Yurub iyo Bankiga adduunka, waxaana madaxda IGAD horyaalla qaraar ay diyaariyeen Guddiga wasiirada oo laga soo saari doono shirka.
Madaxweynaha Uganda Yoweri Musaveni ayaa shalay gaaray magaalada Nairobi, waxaana maanta la filayaa inuu halkaasi tago Ra’iisal wasaaraha Itoobiya.
