Kulan xasaasi ah ayaa caawa xarunta madaxtooyada Soomaaliya uga socda madaxweynaha dowladda Federaalka Soomaaliya Xasan Sheekh Maxamuud iyo guddi ka socda Golaha cusub ee xildhibaanada Badbaado Qaran oo maanta looga dhawaaqay Muqdisho. Kulanka oo hore u balansanaa ayaa labada dhinac uga hadlayaan xaaladda dalka iyo raadkii uu reebay khilaafkii madaxweynaha iyo ra’iisal wasaaraha iyo mooshinkii lagu riday xukuumadii C/weli Sheekh Axmed.
Guddiga xildhibaanada Badbaado Qaran waxaa hogaaminayaa guddoomiyahooda xildhibaan Cabdi Axmed Dhuxulow, waxaana ka mida 20 xildhibaan oo kale, waxayna wataan shuruudo adag oo ah inay iyagu talo ku yeeshaan magacaabidda Ra’iisal wasaaraha iyo golaha wasiirada cusub.
Madaxweynaha ayaa hore isugu dayay inuu kala furfuro xildhibaanadii taageeray Ra’iisal wasaaraha isagoo qaar ka mida u yeeray, balse waxay ku adkeysteen inay isku mowqif yihiin, arrintaas oo culeys kale ku sii kordhisay madaxweynaha iyo taageerayaashiisa. Kulanka caawa ayay wararku sheegayaan inuu ahaa mid kulul oo la isku dhaafsaday ereyo iyo doodo qalafsan oo ku saabsan xaaladda dalka.
Natiijada uu ku dhamaado kulankaasi waan idin soo gudbin doono haddii Alle idmo (goobjooge.com)
Wadani.com
Muqdisho
[ad name=”HTML”]
