Madaxweynaha Kenya Uhuru Kenyatta ayaa Soomaalida ugu baaqay inay dhistaan dowlad awood leh oo dalkeeda hanata, wuxuuna sheegay in loo baahan yahay inay ka faa’iideystaan fursada ah dhulka badan ee Ciidamada AMISOM xoreeyeen oo au la dhisaan dowlad waxgal ah oo dalka Soomaalida xuduudihiisa ilaalisa gacantana ku heysa.
Isagoo booqday Isbitaalka ciidamada ee magaalada Nairobi Armed Forces Memorial Hospital oo ay ku jiraan ciidmadii ku dhaawacmay weerarkii Ceelcade ee lagu laayay ciidamo badan oo Kenyaati ah ayuu madaxweynaha Kenya Soomaalida u sheegay: “Waxaa la joogaa xiligii aad muujin lahaydeen inaad diyaar u tihiin inaad dhisataan dowlad xoog leh oo la wareegta dhammaan xuduudaha dalka”.
Madaxweynaha Kenya waxaa wehliyay ku xigeenkiisa William Rutho, hogaamiyaha mucaaradka Raila Odinga iyo inta badan madaxda dalkaasi ayaa maanta ay dalkaasi u ahayd duco loo sameynayo askartii Kenya ee ku waxyeeloobay weerarkii Alshabaab ee Ceelcade.
Wadani.com
