Madaxweynaha dowladda Federaalka Soomaaliya ayaa si weyn uga carooday tallaabada uu ku dhaqaaqay Guddoomiyaha Baarlamaanka Prof. Maxamed Sheekh Osmaan (Jawaari) ee ah in guddoonka Baarlamaanka joojiyay mooshinkii laga keenay Ra’iisal wsaaraha ayna waanwaan ka galaan khilaafka ka dhex taagan Madaxweynaha iyo Ra’iisal wasaaraha si xal loogu helo khilaafkaasi oo halis geliyay howlihii markii horeba gaabiska ahaa ee dowladda.
Madaxweynaha oo markii horeba ka danbeyay mooshinka laga keenay Ra’iisal wasaaraha ayaa xogta ay Wadani.com ka heleyso madaxtooyada waxay sheegeysaa inuu si weyn uga carooday arrintaasi, isla markaana aau ogoleyn in waanwaan laga galo khilaafka dhex yaala isaga iyo ra’iisal wasaaraha ayna ka go’an tahay in xilka looga qaado mooshinka kalsooni kala noqoshada ee yaalla Baarlamaanka.
Madaxweyne Xasan Sheekh ayaa ku adkeysanaya in arrintan ay soo dhaaftay khilaaf oo ay taagan tahay baarlamaanka si sharci ahna cod loogu qaado xukuumadda, lana socodsiiyo mooshinka, wuxuuna ku tuhunsan yahay guddoomiyaha baarlamaanka inuu ku dhinac yahay Ra’iisal wasaaraha. Wasiirada ku dhow madaxweynaha ayaa u arka in tallaabada guddoomiyaha Baarlamaanka ay tahay carqalad iyo waqti lumis halis ku ah qorshahoodii ahaa in ka hor Shirka Denmarka la magacaabo Ra’iisal wasaare cusub.
Hore ayaa beesha caalamka u soo jeedisay in la joojiyo mooshinka laga keenay ra’iisal wasaaraha waxaana wararku sheegayaan inay culeyso badan uga imaanayaan guddoomiyaha Baarlamaanka dhinacyada beesha caalamka iyo xildhibaanno taageersan Ra’iisal wasaaraha.
Wadani.com
London
[ad name=”HTML”]
