Madaxweynaha dowladda Federaalka Soomaaliya Xasan Sheekh Maxamuud ayaa ka degay magaalada Garowe xarunta dowlad goboleedka Puntland, halkaas oo si fiican loogu soo dhoweeyay halkaasi, waxaana garoonka uga hor yimid madaxweynaha Puntland C/weli Maxamed Gaas, xubno ka tirsan golaha wasiirada Puntland iyo qeybaha bulshada.
Socdaalka madaxweynaha ayaa ku saabsan ka qeybgalka shir xilliyeed ay madaxweynayaasha Soomaalida uga hadlayaan hiigsiga cusub, waxaana shirkii kan ka horeeyay ee ka dhacay Muqdisho ka qeyb galay madaxweynayaasha maamulada saddexda ah ee hadda jira.
[ad name=”HTML”]
Wararka ayaa sheegaya maalinta berri uu magaalada Garowe uu ka furmo shirka looga hadlayo arrimaha Hiigsiga 2016, waxaana ka qeyb geli doono madaxda Maamul goboleedyada Puntland, Jubba iyo K/Galbeed oo ilaa iminka aan tegin Garowe, wuxuuna shirkani ku soo beegmayaa iyadoo muran ka taagan yahay baarlamaanka loo sameeyay Jubba isla markaana ay Puntland si weyn uga biyo diidan tahay dhismaha maamulka gobollada dhexe ee ka socda Cadaado.
Goobjooge.com
[ad name=”HTML-1″]
[ad name=”HTML-6″]
