Madaxweynaha Puntland Siciid C/laahi Deni ayaa ku dhawaaqay inay Puntland ku jirto heegan buuxa, kadib weerarkii Alshabaab ku qaadeen Xabsiga weyn ee magaalada Boosaaso.
Shir jaraa’id oo uu qabtay isagoo ku sugan magaalada Boosaaso ayuu sheegay in tallaabo laga qaaday weerarkii argagaxisada, welina uu socdo howlgalkii ciidamada Puntland iyagoo dib loo soo qabtay maxaabiis ay la baxeen Alshabaab.
“Puntland waxay ku jirtaa heegan buuxa, ficilka dhacayna sida ugu wanaagsan baan uga fal celinaynaa, dadka ay ku caddaato inay qayb ka ahaayeen waxaan rajeynayaa inaan ka abaal marino oo wajibkooda la mariyo” ayuu yiri Madaxweynaha Puntland.
Deni ayaa sheegay inaan looga hari doonin kuwii weerarka soo qaaday, isla markaana baaritan lagu wado dadkii fududeeyay weerarka oo qaarkood la qabtay, wuxuuna ku hanjabay in dadkii weerarka ka qeyb qaatay aan looga hari doonin.
Wuxuu sheegay in Kooxdii weerarka soo qaaday ay ciidamadu ka daba tageen isla markaana gaarsiiyeen jab xooggan, isagoo aan sheegin tirada maxaabiista ay ciidamada Puntland soo qabteen iyo inta maqan ee baxsatay markii weerarka lagu galay, howlgalak lagu guuleysay 80% sida uu yiri.
Wuxuu kaloo Siciid Deni ka hadlay qarixii Muqdisho xalay ka dhcay ee lagu weerarray Baarka Hotel Lul Yemani, isagoo ka tacsiyadeeyay dadkii ku dhintay qaraxa Muqdisho.
