Madaxweynaha Turkiga Recep Tayyip Erdoğan ayaa sheegay Mishiinada Bukaanta ka saacida neefsashada ee lagu sameeyay dalkiisa iyo qlaab kale oo caafimaad ay uu deeqeen wallaalahood Soomaaliyeed.
Qoraal uu goor dhoweyd soo dhigay bartiisa Twitter-ka ayuu madaxweynaha Turkiga ku yiri: “Qalabka mishiinada ee aan dalkeeda ku sameynay waxaa ku neefsan doona wallaalaheen Soomaaliyeed.. Xadaaraddu kuma dhisna awood, waxay salka ku heysaa damiirka. Shacabkeena wuxuu garab taagan yahay kuwa la dulmiyey iyo kuwa dhibaareysan..”
Mishiinadan cusub ee “Ventilator” oo ah kuwa bukaanada ka caawiya inay neefsadaan ayaa ah kuwo lagu sameeyay gudaha Turkiga, waana markii ugu horeysay ee Turkiga geeyo dibadda, iyadoo ay noqotay dalkii koowaad ee la siinayo mishiinadan oo ay soo saarto shirkadda Milli Teknoloji Hamlesi ee dalka Turkiga.
Soomaaliya ayaa ka mida dalalka ugu liita caalamka ee hay’adahooda caafimaad ku burbureen dagaaladii sokeeye, waxaana uu ka mid yahay dalalka ugu horeeya ee Bariga Afrika uu saameeyay cudurka Covid-19.
SAWIRRO
