Madaxweynaha Soomaaliya Maxamed C/llaahi Farmaajo ayaa ogolaaday inuu shir kale u qabto dhammaan Madaxda Maamul Goboleedyada dalka si heshiis guud looga gaaro Doorashada 2020/2021.
Arrintan ayaa ka dambeysay kulan hordhac ah oo maanta dhex maray Madaxweyne Farmaajo iyo Madaxweynayaasha Puntland Siciid C/llaahi Deni iyo Jubbaland Axmed Maxamed Islaam, waxayna ka mid ahayd shuruud ay wateen labada madaxweyne goboleed, taasoo uu ogolaaday Madaxweyne Farmaajo.
Qoraal degdeg ah oo kasoo baxay Safaaradda Mareykanka ayaa lagu bogaadiyey tallaabada Madaxtoooyada Soomaaliya qaaday ee ah inay Muqdisho isugu keento madaxda Dowlad Goboleedyad dalka, waxaana qoraalka lagu sheegay inuu Mareykanku ku dhiirigelinayo madaxda dowladda Federaalka iyo Maamul Goboleedyada inay dhammeystiraan qodobadda heshiiska si ay u noqdaan kuwo loo dhan yahay.
