Madaxweynaha Soomaaliya Maxamed Cabdullaahi Farmaajo ayaa tacsi u diray qoyska, eheladii iyo dhammaan shacabka Soomaaliyeed ee uu ka geeriyooday Xildhibaan Cismaan Cilmi Boqorre oo galabta ay koox hubeysan ku dishay magaalada Muqdisho.
Warbaahinta dowladda ayaa kasoo xigatay Madaxweynaha oo hadda ku sugan dalka Masar, waxaana la sheegay inuu faray Laamaha amniga faray inay baaris degdeg ah ku sameeyaan ciddii falka dilka ah geysatay si loo hor keenaoo sharciga.
Madaxweynaha ayaa hor u amarro kala duwan uga soo baxeen, siiba mararka ay qaraxyada waaweyn ka dhacaan magaaladq Muqdisho, wuxuuna ku amraa hay’adaha amniga inay baaritaan sameeyaan, iyadoo aan kadib la maqlin wax tallaabo ah ama natiijo kasoo baxday.
Xarakada Al-Shabaab ayaa sheegay i ay howlgal qorsheysan ku dileen xildhibaan Cusmaan Cilmi Boqore, wuxuunta intaas ku daray in ciidamadii howlgalkaas fuliyay ay nabadgelyo uga dhaqaaqeen halka uu howlgalku ka dhacay.
