Madaxweynaha Soomaaliya Maxamed C/llaahi Maxamed Farmaajo ayaa dalabkii ugu horeeyay u diray mucaaradka ku kacsan dowladiisa.
Isagoo ka hadlayay xaflad ka dhacday magaalada Boosaaso ayuu sheegay dowladiisa ay wajahday Mucaaradad kala duwan oo siyaasad ahaan kasoo horjeeda Dowladda Federaalka, kuwaasoo uu sheegay inay caqabad ku yihiiin horumarka iyo dib ugu soo kabashada dowladnimada.
Madaxweyne Farmaajo ayaa ka dalbaday mucaaradka dowladda inay fursad siiyaan dowladda si uu usii hana-qaado horu-socodka Geedi-socodka Soomaaliya iyo hiigsigeeda fog. Wuxuuna codsaday in dowladiisa loo daayo waqtiga loo doortay Dowladda federaalka, isagoona sheegay in sharci Soomaalida ka dhigteen in Xukuumad waliba oo lasoo dhiso aanay hal sano dhaafin, qorshahaasna ay qasab tahay inuu meesha ka baxo.
Farmaajo ayaa heegay in isqab-qabsiga siyaasdaeed aanay dan ugu jirin Soomaaliya, wuxuuna soo dhoweeyay mucaaradka wax dhisaya ee ka shaqeynaya danta guud, halkii ay ka shaqeyn lahaayeen inay dumiyaan dowladda.
