Madaxweynaha Soomaaliya Maxamed C/llaahi Farmaajo ayaa goor dhoweyd gaaray xarunta Dugsiga sare ee Booliska Jen. Kaahiye oo ay ka dhaceyso furitaanka kalfadhiga afraad ee Golaha Shacabka.
Maanta ayaa loo balansanaa furitaanka kalfadhiga afraad ee Golaha Shacabka oo ay ka baaqsadeen senatoorada Aqalka Sare oo sheegay inay qaadaceen ka qeybgalka munaasabadda maanta, iyadoo maalinta berri ah si gaara u furan doona kalfadhigooda.
Xildhibaanno ku sugan xarunta Akadeemiyadda Jen. Kaahiye ayaa soo sheegay in tirada xildhibaannada xaadiray munaasabadda ay aad u yar tahay marka loo eego munaasabadihii hore, iyadoo ay saameyn ku yeelatay qaadacadaadda xildhibaanada Aqalka sare.
