Madaxweynaha Soomaaliya Maxamed C/llaahi Farmaajo ayaa ka noqday kulan uu maalinta Berri ah isugu yeeray labada Aqal ee baarlamaanka si uu khudbad uga jeediyo. [Akhriso]
Madaxweynaha oo la filayay in kulankaasi uu khudbad ka hor jeediyo ayaa la sheegay inuu dib u dhigay maalin ama laba maalin, kadib markii Sabtida Berri ay ku soo beegantay 21-ka Oktoobar oo ah maalintii Kacaanka ciidamada ee Siyaad Barre uu dalka ka dhacay sanadkii 1969-kii.
Dad kala duwan, xildhibaano iyo warbaahinta qaarkeed ayaa arrintaasi si kale u rogay iyadoo laga faafiyay arrimo aan munaasib ahayn oo ku saabsan in afgembi uu sameynayo Farmaajo iyo hadallo kale oo fara badan.
Tashwiishka lagu furay munaasabadaha isku soo beegmay ayaa keenay inuu madaxweyne dib u dhigo kulankii labada gole ee lagu waday inuu uga dhawaaqo xaalad dagaal inuu dalku gelayo.
Guddoonka labada aqal ayaa la sheegay inay kula taliyeen madaxweynaha inuu khudbadiisa labad gole ka wareejiyo maalinta sabtida ah ee 21-ka Oktoobar, taasoo uu aqbalay.
Wadani
