Madaxweynaha Soomaaliya Maxamed C/llaahi Farmaajo ayaa ku sii jeeda magaalada Kismaayo ee xarunta maamulka Jubbaland.
Wafdiga Madaxweyne Farmaajo ayaa la sheegay inay ka mid yihiin wasiiro iyo xildhibaano, waxaana socdaalkiisu qeyb ka yahay booqashooyin uu ku tegayo maamulada dalka.
Farmaajo ayaa hore u tegay magaalooyinka Baydhaba iyo Cadaado, waxaana diyaargarow weyn ka socdaa magaalada Kismaayo.
Qarax maanta ka dhacay saldhiga Booliska magaalada Kismaayo ayay waxyeelo kasoo gaartay Baandeyda ciidamada Booliska oo Kismaayo loo geeyay soo dhoweynta madaxweyne Farmaajo.
Wararka ayaa sheegaya in ilaa 6 ka mida Baandeyda ay ku dhinteen qaraxa, halka 20 kale ay ku dhaawacmeen, inkastoo wararka rasmiga ah ay sheegayaan inuu hal qof ku dhintay.
Ciidamada ammaanka Kismaayo ayaa soo qabtay in ka badan boqol qof kadib olole ay magaalada ka sameeyeen markii uu qaraxa dhacay, waxaana magaalada ka jirta xiisad amni.
Wadani
