Kulan degdeg ah oo maanta ka dhacay xarunta madaxtooyada ee Villa Somalia ayaa looga hadlay dagaalkii kediska ahaa ee shalay Alshabaab saacado kooban ku qabsadeen degmada Afgooye.
Madaxweynaha Soomaaliya Xasan Sheekh Maxamuud ayaa shir guddoomiyay shirka oo ay isugu yimaadeen Hay’adaha ammaanka iyo Guddiga ammaanka Qaranka.
Madaxweynaha xilka sii haya ayaa amray in baaritaan degdeg ah lagu sameeyo wixii ka dhacay Degmada Afgooye iyo jawaab degdeg ah oo laga bixiyo falkaasi, wuxuuna sheegay in Dowladda Soomaaliya aysan u dulqaadan doonin dhacdooyinka noocaas oo kale ah.
“Marnaba looma dulqaadan karo in cadowga uu maalin cad weeraro shacabka iyo ciidanka ku sugan degmada Afgooye, Waxaana ku amray in baaritaan dhab ah lagu sameeyo dhacdadii shalay ay shabaab ku weerareen degmadaas, Sidoo kale waxaan faray in la dardargeliyo howlgalka lagula jiro Shabaab” Madaxweynaha Soomaaliya
Wadani.com
