Madaxweynaha cusub Soomaaliya Xasan Sheekh Maxamuud oo maanta xilka la wareegay ayaa magacaabay mas’uulkii ugu horeeyay ee Madaxtooyada Soomalaiya.
Xasan Sheekh ayaa xilka Agaasimaha Guud ee Madaxtooyada Qaranka u magcabaay Xuseen Sheekh Maxamuud, sida lagu sheegay qoraal kasoo baxay xafiiska madaxweynaha.
Madaxweynaha ayaa tilmaamay in Mudane Xuseen Sheekh âuu tusaale u yahay doorka dhallinyarada Soomaaliyeed ee dib u dhiska dowladnimada iyo dib u heshiisiinta dadka Soomaaliyeed oo uu ku bixiyey waqti badan.â
Qoraalka kasoo baxay Villa Somalia ayaa intaas ku daray :Madaxweynaha Jamhuuriyadda ayaa Alle uga baryey in uu u fududeeyo Agaasimaha cusub ee Madaxtooyada Qaranka gudashada waajibaadka horyaalla, waxa uuna uga mahad-celiyey Agaasimihii Hore ee Madaxtooyada Mudane Maxamed Cabdullaahi Ciise dadaalka uu bixiyey muddadii uu xilkan hayey.â
Xuseen Sheekh Maxamuud ayaa ahaa Senator laga soo doorto Koonfur Galbeed, baarlamankii 10-aad, balse dib looma soo dooran, wuxuuna xubin ka ahaa xisbiga UPD ee madaxweyne Xasan Sheekh.
Xuseen Sheekh Maxamuud sanadkii 1982 waxa uu ku dhashay magaalada Xudur ee Gobolka Bakool, waxbarashada aas-aasiga ah iyo Jaamacadda heerka 1-aadna waxa uu ku qaatay magaalada Muqdisho.
