Magaalada Muqdisho ayaa maanta ku jirta soo dhoweyntii labaad e madaxweynihii hore ee KMG ahaa Sheekh Shariif Axmed oo si rasmi ah ugu dhawaaqaya musharaxnimadiisa.
Xaflad lagu casuumay kumnanaan qof oo Madaxweynaha ee Sheekh Shariif Sheekh Axmed ku shaacinayo inuu u sharxan yahay xilka madaxweynaha Soomaaliya ayaa ka dhaceysa Hotelka City Palace ee magaalada Muqdisho.
Ololaha musharaxnimada Sheekh Shariif ayaa si weyn looga dareemay magaalada Muqdisho kadib markii uu dhowaan dib ugu soo labtay, iyadoo loo sameeyay soo dhoweyntii ugu weyneyd ee musharax helo.
Sheekh Shariif ayaa la aaminsan yahay inuu noqon doono musharax culus oo tartan xoog leh la geli doona madaxweynaha xilka uga guuleystay 4 sano ka hor ee Xasan Sheekh Maxamuud.
Doorashadii 2012 ayaa dad badan u arkayeen Sheekh Shariif inuu hogaanka dalka ku fashilmay, isla markaana loo baahan yahay isbedel, taasoo ahay sababta uu ku guuleystay Xasan Sheekh, waxaase hadda muuqata in waxqabad xumadii Sheekh Shariif xilka uga tegay ay dadku ku iloobeen Xasan Sheekh oo xaaladda uga sii daray.
Wadani.com
