Magaalada Muqdisho ayaa la shaaciyay in muddo laba maalmood ah ay geli doonto Bandow iyadoo ay dhici doonto doorashada madaxweynaha Soomaaliya.
Guddoomiyaha Gobolka Banaadir Yuusuf Xuseen Jimcaale oo maanta shir jaraa’id uga dhawaaqay amarro lagu soo rogay isu socodka iyo Gaadiidka magaalada caasimadda ah isagoo sheegay in laga billaabo Galabnimada Talaadada wixii ka dambeeya aysan jiri doonin dhaq-dhaqaaq dadka iyo Gaadiidka.
Wuxuu intaasi ku daray ilaa maalinta Khamiista ah ay magaalada ku jiri doonto xayiraadda ilaa ay ka dhammaato doorashada madaxweynaha Soomaaliya.
Magaalada Muqdisho oo hore u soo martigelisay xayiraad iyo bandow ay keeneen madax calaami ah iyo duruufo kala duwan ayaa toddobadkan ay noqon doontaa maalmo kale oo dadka Muqdisho ay ku xukuman yihiin inay guryahooda joogaan iyadoo aanay wax shaqo ah iyo waxbarasho midka jiri doonin.
Wadani.com
