Shirkadda Facebook ayaa ku dhawaaqday magca cusub ee ay u guuri doonto, iyadoo la baxday ‘Meta’, magacaas oo bedeli doona magaca ay ku caan baxday ee ‘Facebook’.
Arrintan ayaa ku soo beegmaysa iyadoo shirkadu ay ku dhex jirtay muran la xiriira dukumentiyada sir ahaa oo ay ka faafisay haweeneyda Frances Haugen ee ka mid ahady shaqaalaha dhexe ee shirkadda.
Shirkadda asalkeeda ee astaanta u ahayd ee barta bulshada iyo app-ka Facebook – ayaa ilaalin sidooda ahaan doona, laakiin shirkadda weyn ee Facebook Inc., oo ah shirkadda ay hoos tagaan mareegaheeda sida Instagram iyo WhatsApp, ayaa hadda hoos geli doona cinwaanka cusub ee META.
Magaca cusub ee shirkadda waxaa kusoo kordhay astaan ama calaamad buluug ah oo la siiyey, iyadoo shirkaddu dooneyso inay ballaariso barnaamijyadeeda warbaahinta bulshada.
“Hadafkeenu waa sidii hore, wali waa isku keenida dadka,’Hadda waxaan haysanaa gacan ka geysaneynaa isu keenista kala duwanaanshaha nolosha.’ ayaa lagu yiri farriinta shirkadda soo saartay.
Guddoomiyaha Shirkadda Mark Zuckerberg ayaa uu sheegay in magaca Facebook aanu si buuxda u koobnayn wax kasta oo ay shirkaddu hadda qabato, oo uu wali si dhow ugu xiran yahay hal badeeco. Laakin waqti ka dib, uu rajeynayoin naloo arko shirkad kala duwan.
