Faahfaahin dheeraad ah ayaa kasoo baxeysa duqeyn ay ciidamada cirka Kenya ku qaadeen degaano ka tirsan Gobolka Gedo.
Duqeyntaasi ayaa dhalisay dhimasho iyo dhaawac soo gaaray dadweyne shacab ah, waxaana degaana Ceelcadde ay ku dileen hooyo, iyagoo duqeynta ay ku dhaawacmeen 5 caruur ah oo ay dhashay, sida uu sheegay aabaha qoyska Cali Axmed Sheekh Cabdi.
Magacyada dadka ku dhintay iyo kuwa ku dhaawacmay duqeynta
Hooyo Sahro Aadan Shariif ayaa ku geeriyootay duqeynta, waxaana ku dhaawacmay caruura kala ah :
1- C/raxmaan Cali Axmed Sheekh oo 8 Bilood jira
2- Salmo Cali Axmed Sheekh oo 2 sano jir ah
3- Cabdullaahi Cali Axmed Sheekh oo 9 sano jir ah
4- C/Fataax Cali Axmed Sheekh oo 11 sano jira
5- Khadro Cali Axmed Sheekh oo 12 sano jir ah
Ma jiro wax war ah oo dowladda Soomaaliya kasoo saartay duqeynta ciidamda Kenya ka wadaan Gobolka Gedo oo dad shacab ah ku waxyeeleeyeen.
