Mas’uul ka tirsan Wasaaradda gaadiidka ayaa maanta lagu weeraray magaalada Muqdisho iyadoo dhaawac kasoo gaaray falkaasi.
Dabley ayaa rasaas ku furtay agaasimaha Waaxda Shaqada iyo Shaqaalaha Wasaarada Gaadiidka C/llaahi Sheekh Cumar oo ku sugnaa agagaarka Baarka Macalin Nuur ee degmada Dharkeyley.
Mas’uulka ayaa dhowr xabbadood uag dhaceen garabka, waxaana laba dabley ah ay ka baxsadeen goobta iyagoo u qaatay inuu dhintay, laakiin waxaa soo gaaray dhaawac, markii dambe isbitaal loola cararray.
Dadka deegaanka ayaa sheegay in kooxda weerarka qaaday ay agaasime Cabdullaahi Sheekh Cumar uu ku sugnaa Goob shidaal isagoo doonayay inuu gaarigiisa shidaal ku shubto.
Ciidamada ammaanka ayaa goobtaasi gaaray kadib weerarka, mana jirin cid loo qabtay, waxayna goobtaasi ka mid tahay meelaha ugu badan ee dadka lagu ugaarsado.
