Waxaa magaalada Garowe ee xarunta Puntland isugu tegay Madax ka socota dowladda Federaalka, Dowlad Goboleedyada, mushariixinta iyo siyaasiyiin kala duwan, waxaana saacadihii ugu danbeeyay shirar kala gaar oo is-aragyo ah yeeshay mas’uuliyiin aan hore u kulmi Jiri.
Madaxweynaha Jubbaland Axmed Maxamed Islaam oo si weyn uga horjeeda qorshaha Doorashada dowladda Federaalka oo xukuumadda Soomaaliya ku eedeysay inuu fulinayo cadaadis ay saartay dowladda Kenya ayaa la kulmay Guddoomiyaha Golaha Shacabka, Aqalka Sare iyo Ra’iisal wasaarihii hore Xasan Sheekh Maxamuud Kheyre. Wuxuu kaloo la kulmay madaxweynayashii hore Sheekh Shariif, Xasan Sheekh Maxamuud Sheekh iyo musharixiinta shirka ka qeyb galaya.
Dhinaca kale waxaa magaalada Garowe kulamo kala gaara ku yeeshay Ra’iisal wasaare ku xigeenka xukuumadda iyo mushariixiinta xilka Madaxweynaha ee ay ka mid yihein madaxweynayaashii hore, Shariif Xasan Sheekh Maxamuud iyo mushaxiiinta kale, waxaana Garowe ka dhacay shirar looga hadlay xaaladda dalka iyo khilaafka ka taagan doorashada.
Shirka sanadlaha ah ee Heritage oo looga hadlayo xal u helidda caqabadaha hortaagan dowladda Soomaaliya sida dhaqan gelinta Federalka, Amniga iyo dhammeystirka Dastuurka ayaa kusoo beegmay xaaladda cakiran ee ka taagan Doorashada dalka.
Madaxweynayaasha Puntalnd iyo Galmudug ayaa rajo ka qaba in iso soo dhowaansho lagu gaaro is aragyada iyo shir doceedyada ka socda magaalada Garowe oo si ka baxsan Shirka Heritage xal loogu raadinayo khilaafka Doorashada 2020/2021.
