Madaxweynaha Soomaaliya Maxamed Cabdullaahi Farmaajo ayaa kulan maanta gelinkii danbe la yeeshay Madaxweynihii hore ee dowladii ku meelgaarka Shariif Sheikh Axmed.
Kulanka oo uu dalbaday Madaxweyne Farmaajo ayaa la sheegay inay uga wadahadleen xaalada dalka iyo khilaafka ka dhaxeeya madaxda dowladda Federaalka iyo Siyaasiyiinta kasoo horjeeda, iyadoo madaxweyne Farmaajo la sheegay inuu ka codsaday Sheekh Shariif inuusan ku biirin siyaasiyiinta ku kacsan dowladda uu hoggaamiyo.
Farmaajo iyo Sheekh Shariif ayaa kulankooda qaatay ku dhowaad laba saacadood, waxaana inuu ku soo dhammaadya is-afgarad, iyadoo Sheekh shariif maalmo kadib uu dib u laaban doono kana dhoofi doono dalka.
Dowladda Federaalka ayaa taageero siin jiray madaxweynihii hore Shariif Sheekh Axmed, waxaana Shariif Sheekh Axmed uu hore u balanqaaday inuusan wax dhaliil ah u jeedin dowladda Soomaaliya, taasoo ay wax iska bedeleen maalintii shalay markii uu Shariifka dhaliilay waxqabadka dowladda Soomaaliya.
