Iyadoo ergayga Qaramada Midoobay ee Soomaaliya danjire Nicholas Kay waqitigiisii ayaa waxaa soo baxaya warar sheegaya in ergey cusub jagadaasi loo dhiibi loo magacabayo oo isna kasoo jeeda dalka Britian, kaasoo lagu magacaabo Michael Keating.
Nicho
las Key oo maamulka xafiiska UN-ka ee Soomaaliya UNSOM xilkiisa hayay ta iyo 2013-kii, ayaa la sheegay in aakhirka sanadkan ku egyahay xilkiisa. Wakiilka cusub ee lagu bedelayo Nicholas Kay ayaa ka tirsan mas’uuliyiinta sare ee machadka Chatham House ee xaruntiisu tahay magaalada London ee xarunta dalka Britain, wuxuuna soo qabtay xilal kala duwan oo ay ka mid yihiin danjirenimo xukuumaddiisa Britain iyo weliba isagoo soo noqday ergayga xoghayaha guud ee QM uga wakiilka ahaa dalka Afghanistan.
Q/Midoobay ayaan weli ka hadlin arrinta ku saabsan inay ergaygeeda Soomaaliya uga wakiilka ah Nicholas ay bedelayso, balse ilo wareedyo kale ayaa xaqiijiyay in xafiiska UNSOM ee Somalia loo magacaabi doono ergay cusub oo British ah.
Ergayga cusub ee lagu bedelayo danjire Kay ayaa wuxuu xilka la wareegi doonaa marka uu sannadkan dhammaado, maadaama xilliga shaqo ee Danjire Kay uu ku eg-tahay Bisha soo socota ee December 2015-ka. Dhanka kale, ergayga cusub ee lagu bedelayo ergayga QM ee Soomaaliya Michael Keating ayaa wuxuu ku dhashay magaalada Kampala ee xarunta dalka Uganda sannadkii 1959-kii, waana 56-jir.
Danjire Kay ayaa muddooyinkii ugu danbeeyay ku dhex jiray kulamo macsalaameyn ah oo uu ku marayo maamulada dalka, isagoo socodkiisii ugu danbeeyay ku tegay magaalada Kismaayo, waxaana loo sameeyay xaflado sagootin ah.
Wadani.com
