Maxkamadda Darajada 1aad ee Ciidamada Qalabka sida ayaa bilowday baarista kiis la xiriira musuqmaasuq iyo dayacaad ay ku kaceen saraakiisha sare ee ciidamada Kumaandooska Somalia ee Danab oo ka dhacay Xerada Balli-Doogle.
Wararka ayaa sheegaya in laga war helay falal ay ku kaceen saraakiisha sare ee ciidamada Danab oo la baxay agab ciidan, waxaana isbedel lagu sameeysay hoggaanka Ciidamada DANAB ee saldhigoodu yahay xerrada Ballidoogle, kuwaasoo ay tababarraan ciidamada Mareykanka, iyadoo sarakiisha cusub ay Madaxda dowladda Somalai u gdubiyeen dayac weyn oo heysta ciidamada Danab, kaasoo ku saasban dhinaca maamulka iyo mid Agabka ciidamada.
Guddoomiyaha Maxkamada Ciidamada Qalabka Col. Xasan Cali Shuute iyo Xeer ilaaliya Maxkmadda o gaaray xerada Billidoogle aya sheegay inuu bilowday isla xisaabtan dhab ah oo aan marka la ogolaan doonin dayaca Agabka Ciidamada iyo musuq, waxayna caddeeyeen in isla saldhigga lagu xukumi doono saraakiisha ay ku caddaato eedeymaha loo jeediyey.
Col. Shuute ayaa sheegay inay jiraan dambiyo lid ku ah Shaqada iyo amaanada Agabka ciidamada,isla markaana hadii ay lumaan Agabka ama la iibsado ay isku mid yihiin, wuxuuna caddeeyay in Maxkamadda Ciidamada ay Xarun ka furaneyso Gudaha Xerada Balli-Doogle.
