Wararka laga helayo magaalada Boosaaso ayaa sheegaya in dad Oromo ah lagu dilay magaaladaasi, taasoo ka dhalatay shaqaaqada ka taagan gudaha Itoobiya.
Meydadka labo nin oo Oromo ah ayaa la geeeyay Isbitaalka magaaladda Boosaaso sida ay sheegeen saraakiisha caafimaadka, waxaana labada nin meydadkooda laga helay meel u dhow Masjidul Faadumo ee laamiga bartaha Boosaaso, iyadoo midkood Qoortu laga jebiyey, midka kalena waxaa lagu dilay xarun maamulaan dadka ka ganacsada tahriibta.
Laba nin ee Oromoda ah oo lagu dilay magaalada Boosaso ayaa da’dooda lagu qiyaasay 20 sano jir; waxaana la ogeyn sababta loo dilay dadkan Oromada ah ee ku noolaa magaalada Boosaaso ee maamulka Puntland.
Arrintan ayaa ayaa noqonaysa falkii labaad ee todobaadkan gudihiisa ka dhacda magaalada Boosaaso, iyadoo aysan wax war ah kasoo saarin maamulka Punland.
