Saraakiisha dowladda Kenya ayaa shaaciyay goor dhoweyd in mid ka mida dableydii weerartay Jaamacadda Gaarisa ee lagu dilay 148 ruux oo badankood ahaayeen arday la aqoonsaday, ninkan ayaa la sheegay inuu ka baxay Jaamacadda Nairobi oo sharciga uu ka bartay, isagoo la filayay inuu noqdo Qareen.
Ninkan la aqoonsaday waxaa magaciisa lagu sheegay Cabdiraxiim Cabdullaahi, waxaana la yaab leh inuu dhalay nin madax ah oo xukuma Kountiga Mandeera. Afhayeenka wasaaradda Arrimaha gudaha Kenya Mwenda Njoka ayaa shaaciyay in aabaha wiilkani uu mas’uuliyiinta ku wargeliyay inuu maqan yahay wiilkiisa oo aanu haynin meel uu ku danbeeyay, balse la tuhunsanaa inuu u tallaabay Soomaaliya.
C/raxiim ayaa la sheegay inuu ahaa wiil fahmo fiican aqoontiisuna sareyso oo laga rajo qabay inuu noqdo Qareen. Markii la baaray waxbarashadiisii hore ayaa la sheegay inuu ka baxay WAMY High School, kana qaatay A- grade.
Labada kale ee meydkooda la hayo ayaa baaris lagu hayaa weli sida boolisku sheegay inkastoo dableyda afraad uu is qarxiyay.
Goobjooge.com
[ad name=”HTML”]
[ad name=”HTML-5″]
[ad name=”HTML-4″]
