Xubnaha Golaha Midowga Mushariixinta ayaa shirkii ugu horeeyay oo toos ah uga socdaa magaalada Muqdisho, kadib muddo ay ku shirayeen Khadka ogaan aragga, waxaana shirkan looga hadlayaa xaaladda kasoo korortay Doorashada dadban ee Dalka 2021.
Shirkan ayaa waxaa ka qeyb galaya inta badan Musharixiinta Madaxweynaha ee Midowga Musharixiinta, waxayna wararku sheegayaan in laga soo saari doono Digngiin ku saabsan Doorashada dalka oo ay ka deyriyeen qaabka ay maamul Goboleedyada u maamuleen.
Xubno ka mida Midowga Musharixiinta ayaa si kala gaara u dhaliilay in madaxda maamul Goboleedyada ay musharixiin badan ka xayieaan, kana reebaan tartanka, taasoo ka horjeeda Dastuurka KMG ah.
Arrintan waxaa si weyn uga hadlay Musharax Daahir Maxamuud Geelle oo sheegay in sida loo qabtay Doorashada Aqalka Sare ay ahayd mid aan hufneyn oo saameyn u yeelan karta doorashada dalka oo dhan.
Midowga Musharixiinta ayaa madaxda maamul Goboleedyada ku eedeeynaya inay qabteen doorasho ay soo qorteen dadkii ay rabeen, lana wareegeen hannaankii Doorashada, waxayna ka cabsi qabaan inay sidan oo kale noqoto Doorashada Golaha Shacabka.
Kulanka ayaa loo bedelay mid soconaya muddo saddex maalmood ah, halkii markii hore lagu waday inuu kusoo idlaado maanta, waxaana loo dheereeyay inay is arag yeeshaan Musharixiinta, Ra’iisal wasaaraha iyo Madaxda Maamul Goboleedyada.
