Wararka laga helayo magaalada Hargeysa ee magaalada Somaliland ayaa sheegaya in halkaasi lagu xiray milkiilaha Telefishanka Universal.
Ciidamada Booliska Maamulka Somaliland ayaa la sheegay inay xabsiga u taxaabeen milkiilaha Guud ee Tv-ga Universal Eng. Axmed Abuukar.
Lama shaacin sababta loo xiray Milkilaha Tv-ga Universal oo maalmahan ku suganaa magaalada Hargeysa, waxaana la sheegay in ciidamada Booliska ay ka kaxeysteen goob uu ku sugnaa kadibna xabsiga la dhigay shalay galabtii.
Maamulka Hargeysa ayaa khilafaad soo noqnoqday kala dhaxeeyaa Telefisanka Universal, iyadoo dhowaan isla magaalada Hargeysa lagu xiray Cabdi Muriidi dheere Ajakis oo ka tirsan Tv-ga Universal, kadibna loo soo masaafuriyay magaalada Muqdisho.
Dhinaca kale waxaa Hargeysa ku xiran Wariye C/maalik Muuse Coldoon oo lagu eedeeyay inuu ka qeyb galay ololihii doorashada Soomaaliya.
