Orodyahanka dalka Ingiriiska Mo Farah ayaa ku dhawaaqay inuu ka fariisanayo Ciyaaraha Orodada caalamiga ah,
kadib markii uu xaqiijiyay inuu 4 biladood oo Dahab ah ka qaato labadii tartan ee Olombikada Adduunka London 2102 iyo Rio 2016.
Mo Farah ayaa sheegay inay da’diisu gaartay 33 sano, isla markaana aanu sidii hore u sii wadi karin ciyaaraha orodada, isla markaana uu doonayo inuu waqti fiican la qaato qoyskiisa iyo caruurtiisa oo xilliyo badan kaga mashquulay tababarro.
Orodyahankan oo taariikhda Ingiriiska iyo tan dunida galay dhowaan markii uu laba jeer oo isku xigta ku guuleystay tartanka 5000 Mitir iyo 10,000 Mitir ayaa sheegay inuu doonayay in caruurtiisa mid kasta oo kamida uu siiyo bilad, haddana riyadiisa ay u rumowday.
Biladii ugu danbeysay ee 10-ka kun Mitor ayuu siiyay wiilkiisa yar ee Hussein, halka biladii ka horeysay ee 5000 mitir uu hore u sheegay inuu siiyay gabadha ay xaaskiisa hore u dhashay ee Rhiana, labadiisa gabdhood ee mattaanaha ah Caisha iyo Amani ayuu hor u siiyay labadii biladood ee ciyaarihii London.
Wareysi uu siiyay jariirada Daily Mail ayuu Mo Farah ku sheegay inuu ciyaaraha Orodada ka fariistay.. “Haddii aan aado 2020-ka Tokyo waxay noqon doontaa socod dheer aniguna kuna fiicni maaratoonka” ayuu yiri Mo Farah.
Wadani.com
