Guddiga Doorashada Jubbaland ayaa maanta bilaabay diiwaangelinta iyo Shahaado guddoonsiinta musharixiinta 3 kursi oo ka mida Golaha Shacabka Baaralmaanka Federaalka.
Guddiga wuxuu shahaadadii musharaxnimo gudoonsiiyay Musharax Xasan Xuseen Maxamed (Eelaay) oo ah Wasiirka Gaadiidka Maamulka Koonfur Galbeed iyo Cabdiraxmaan Macalin Xuseen oo ku tartamaya kursiga tirsigiisu yahay HOP126, kaasoo uu hore ugu fadhiyey xildhibaan Maxamed Xasan Idiris, balse aan qeyb ka ahayn tartanka, kadib heshiis dhex maray Madaxweynayaasha Jubbaland iyo K/Galbeed.
Waxaa kaloo shahaadada musharaxnimo lagudoonsiiyay Yuusuf Maxamed Ismaaciil iyo Cumar Maxamed Cumar oo ku tartamaya kursiga tirsigiisu yahay HOP118 oo uu hoge ugu fdhiyey Swaqar Ibraahim Cabdalla oo hadda tartanja bannaanka laga dhigay.
Kursiga saddexaad ee musharixiinta u taagan la siiyey shahaadda waa HOP127 oo ay u taagan yihiin: Musharax Cabdiqaadir Cabdullahi Xirsi iyo musharax Dr. Axmed Aadan Axmed. Kursigan waxaa hor ugu fadhiyey Xildhibaan Cali Cusmaan Xersi.
Doorashada saddexdan kursi ayaa lagu wadaa inay Kismaayo ka dhacdoa Arbacadda, iyadoo kursi kasta ay ku tartamayaan laba musharax, isla markaana laga xiray dhammaan xildhibaanandii hore ugu fadhiyey. Waxaana lasii ogyahay xubnaha kusoo bixi doona.
