Beesha Caalamka ayaa jawaab niyadjab leh u diray Musharixiinta mucaaradka iyo kooxaha loo yaqaa Saamileyda siyaasadda, kadibn markii warkii ugu danbeeyay ee Beesha Caalamka hoos loogu dhigay dalabkoodii ahaa inay qeyb ka noqdaan wadahadalka Arimaha Doorashada.
Midowga Musharixiinta iyo ururrada Bulshada rayidka oo loo yaqaan ‘Saamileyda Siyaasadda’ ayaa dalbaday inay qeyb ka noqdaan wadahadalka Xalinta caqabadaha Doorashada, iyagoo sabab uga dhigay inuu dhammaaday muddo sharciyeedkii madaxda dowladda iyo inay wax heshiis aha gaari waayeen ilaa 6 shir oo ay isugu yimaadeen.
Beesha Calamka oo in muddo ah ku baaqeysay in wadahadallada laga qeyb geliyo Saamileyda Syaasadda, ayaa maanta bedeshay mowqifkeedii iyadoo ka dalbatay in madaxda dowladda Federaalka iyo Dowlad Goboleedyada si joogto ah ula tashadaan saamileyda Siyaasadda. .
“Waxaan ku dhiirigelineynaa madaxda Dowladda Federaalka Soomaaliya iyo Dowlad Goboleedka ee ka qaybgelaya shir-madaxeedka inay si joogto ah ula xiriiraan oo ay ula tashadaan saamillayda kale ee Soomaaliyeed si wada-hadadalladu u noqdaan kuwo laga baaraan-degay”. ayaa lagu yiri war-saxaafadeedka Beesha Caalamka.
Madaxweynaha xilligiisu dhamamaday Maxamed C/llaahi Farmaajo ayaa si weyn u diidan inaym musharixiinta iyo xubnaha bulshada rayidka ka qeyb galaan ama xitaa goobjoog ka noqdaan shirarka arrimaha Doorashada.
