Madaxweynaha Soomaaliya Maxamed C/llaahi Farmaajo oo shalay tegay xarunta Wasaaradda Gaashaandhigga iyo Xerada Jen. Gordon ayaa balanqaadkiisii ugu weynaa ee soo af-jarididda Alshabaab dusha u saaray saraakiisha Ciidamada Milateriga.
Isagoo xarunta Wasaaradda Gaashaadhigga kula hadlayey saraakiishaasi ayuu weydiiyey ballantii ay ka qaadeen ee ahayd inay dalka uga xoreynayaan muddo 2 sano haddii ay helaan mushaar, raashin iyo hub, isaguna uu balan qaaday inuu haqab tiri doono ciidamada.
“Is weydiiya labadii sano Shabaab maka xoreyseen dalka..?, maka xoreyseen…?, mala oran karaa Taliyeyaashii joogay xilligii Al-Shabaab laga xoreeyay Muqdisho waa idinka balan-fiicnaayeen oo waxay qabsadeen 3 bilood. Ma is weydiiseen inaan balantaas horay u laheyn, anaga dhankeena waa ka soo baxnay balanta, wixii aad u baahneedeen inta karaankeena inaan fulinay, laakiin idinka iguma soo noqon, oo aadan oran waqtiga waa nagu yar yahay, qorshihii aan bedelno, waqti ayaa u baahanahay, waliba waxaa igu darteen rasaas iyo hub ma heysano, taasna waa fuliyay, maantana dhib kama taagna” ayuu yiri Madaxweyne Farmaajo oo u muuqday inuu iska wareejinayo balantii uu qaaday markii uu xilka qabtay.
Madaxweyne Farmaajo ayaa dhinaca kale qiray in ciidamada aan la siin mushaarkooda kadib sanad iyo 10 bilood, taasoo michaneedu yaha wixii ka danbeeyay Disembar 2018 inay ciidamadu qaadan wax mushaar iyo raashin ah. wuxuuna ballan qaaday in 2 sano ee soo socota ay heli doonaan xuquuqdooda.
Madaxweyne Farmaajo ayaa dadaal ugu jiray inuu ka xoroobo ballanqaadyo uu bixiyey xilligii doorashadiisa oo dhammaantood shaqeyn waayey, wuxuuna balanqaadkani ka mid ahaa kuwa ugu waaweyn ee lagu dhaliilo, isagoo fursad ahaan uga faa’iideystay inuu ciidamada isaga wareejiyo.
HOOS KA DAAWO
