Waxaa maanta oo ah Arbaco 26 Janaayo 2022 magaalada Kismaayo ka qabsoomay doorashada kursiga xildhibaanada Golaha Shacabka ee Baarlamaanka Federaalka Soomaaliya.
Kursiga HOP126: Waxaa kusoo baxay Wasiirka Gaadiidka K/Galbeed Xasan Sheekh Maxamuud Eelay oo helay codadka 74 cod. Musharaxii la tartamayey Cabdiraxman Macalin Xuseen oo isna helay 21 cod. waxaana xumaaday 5 cod. Kurisgan Waxaa hore ugu fadhiyay Xildhibaan Maxamed Xasan Idiris.
Kursiga HOP127 waxaa kusoo baxay Dr. Axmed Aadan Axmed oo helay 84 cod, halka musharixii la tartamayey ee Cabdiqaadir Cabdullaahi Xirsi uu helay 16 cod. Kursigan waxaa hore ugu fadhiyey Cali Cismaan Xersi.
Kursiga HOP118, waxaa kusoo baxay Yuusuf Maxamed Ismaaciil, kadib markii uu tartanka isaga haray musharixii la tartami lahaa ee Cumar Maxamed Cumar. Cod gacantaag ah waxaa xildhibaannimada Yuusuf Maxamed Ismaaciil ku ayiday 101 ergo. Kursigan waxaa hore ugu fadhiyay Xildhibaan Swaqar Ibraahim Cabdalla.
