Wararka laga helayo degmada Yaaqshiid ee Gobolka Banaadir ayaa sheegaya inay dhacdo naxdin leh ka dhacday xaafadda xaafada Towfiiq ee degmadaasi oo ka tirsan Gobolka Banaadir.
Warka ayaa sheegaya nin kasoo jeeda Beesha Shanaad oo lagu Magacaabi jiray Axmed Muqtaar Saalax ay garaash uu ka shaqeynayey ku weerarreen qoyska haweeney uu guursaday wiil uu adeer u ahaa, iyadoo diidan guurka gabadhood oo la sheegay inuu siiyey adeerkeed, balse ay si weyn uga hor yimaadeen hooyadeed iyo walaalaheed.
Guurka ninkan oo ka soo jeeda beesha Jareer ayaa muddo bilo jirsaday, waxaana galabta dhacday Gabadha Hooyadeed iyo Walaalaheed ay weerareen iyadoo adeegsanaya Baangado. Middiyo yo Warran, intaasi kadibna markii uu dhaawac soo gaarey ay dab qabadsiiyeen, falkaan naxdinta lehna uu u dhintay.
Dhacdadaan Maanta ka dhacday xaafada Towfiiq ee degmada Yaaqshiid gobolkaan Banaadir ayaa waxa ay ka mid tahay dhacdooyinka ugub ah oo si weyn looga naxo, waxana muuqaalka ninkan lagu baahiyey baraha bulshada.
Allaha u naxariistee marxuumka la dilay ayaa waxaa la geeyay xarunta dambi bariste ee CID-da, sida ay inoo sheegeen qaar ka tirsan eheladiisa oo dalbaday in cadaaladda la horkeeno dadkii ka dambeeyay dilka wiilkooda.
Waxaan ka cudurdaareneynaa inaan idin soo gudbin karin mareeg ahaan Muuqaaladda ninka meydka ah ee la gubay jirkiisa.
