Hay’adda dembi baarista Mareykanka ee FBI ayaa gacanta ku dhigtay nin hubeysan oo halis ah, kaasoo lala xiriiriyay qaraxyadii dhowaan ka dhacay magaalooyinka New Yor iyo New Jersey.
Ninkan oo lagu magacaabo Axmed Khan Raxami ayaa loo baadi goobayay lugtii uu ku lahaa qaraxyada ayaa la sheegay inuu kasoo jeeda dalka Afghanistan, isagoo ah 28 sano jir, wuxuuna iska hor imaad hubeysan la galay ciidamada FBI-da.
Iska hor imaadka waxaa ku dhaawacmay laba askari, sidoo kale Raxami ayaa garabka laga dhaawacay, waxaana lagu qaaday gaadiidka kuwa gurmadka degdega ah.
Ninkan ayaa sawirkiisa ay shaacisay FBI-da oo dooneysay inay su’aalo ka weydiiso labada qarax. Milkiile leh baar ku yaala New Jersey ayaa u yeeray booliska, barqanimadii markii uu arkay Axmed Khan Raxami oo hurda halka laga soo galo Baarkiisa.
Markii ay Booliska soo gaareen goobta ayaa la sheegay inuu Raxmani la soo baxay hub oo uu bilaabtay toogasho, kadibna wuxuu dhaawacay laba askari intii aan isagana la dhaawicin oo gacanta lagu dhigin.
DAAWO SAWIRRO
