Xubno isugu jira odayaal dhaqameed iyo siyaasiyiin kasoo jeeda Beesha Mudulood ayaa maanta gaaray magaalad Jowhar, iyagoo ka qeyb galay shirka dib u furmi doona.
Xubno uu horkacayaan Iimaam Maxamuud Iimaan Cumar iyo Ugaas Maxamuud Cali Gaas ayaa maanta gaaray magaalada Jowhar, iyadoo uu la socday Wasiiru dowlaha Maaliyada C/llaahi Maxamed Nuur.
Odayaasha dhaqanka Gobolka Shabeelaha Dhexe oo ka caga jiidayay inay shirka Jowhar ka qeyb galaan shirka Jowhar oo ay tagaan magaaladaasi ayaa waxaa cadaadis weyn ku saaray madaxweyne Xasan Sheekh oo u xilsaaray Wasiiru dowlaha Maaliyadda C/llaahi Maxamed Nuur.
Waxaa kaloo odayaasha Muqdisho ka tegay ka mida Odayaal kasoo jeeda Gobolka Hiiraan oo Muqdisho ku sugnaa, waxaan dhowaan ay IGAD Muqdisho ku qabanqaabisay shir ay isugu keentay odayaal kasoo jeeda Beesha Xawaadle oo raali gelin siiyay Odayaasha Dhaqanka Abgaal oo Ugaas Xasan Ugaas Khaliif ka sheegtay xumaan uu kula kacay.
Shirka maamul u sameynta Hiiraan iyo Shabeelaha Dhexe ayaa waxaa la wareegay oo wada IGAD oo taageero ka heysta dowladda Federaalka, iyadoo uu dhowaan ka hor yimid gudoomiyaha Gobolka Hiiraan Yuusuf Dabageed.
SAWIRRO
Wadani.com
