Prof. Yaxye Sheekh Caamir oo ka mida Aqoonyahanadda ka hadlay arrimaha siyaasadda iyo dhaqaalaha ayaa ka jawaabay laba sabab oo Madaxweyne Farmaajo uu sheegay inuu uga tanaasulay Doorashadii Qof iyo Codka ahayd.
Wuxuu sheegay inuusan jirin wax tanaasul ah ee Madaxweyne Farmaajo laga batay, waaqacana jirana ka hor yimid. “”Tanaasul waa wax aad awood u leedahay oo iska dhaafay.. laakiin haddii maamul goboleedyadii oo dhan dhinac kaa mareen, taasi tanaasul maaha, waaqica ayaa ka hor yimid, qof kastana waa ogeyd inaysan dalka ka dhici karin Doorasho Qof iyo Cod ah.
Yaxye Sheekh Caamir ayaa sheegay inay sidoo kale faragalin ka timid beesha caalamka oo madaxda shirtay ay isku keeneen, inay go’aan gaaran-na ka dalbadeen wakiilada Beesha Caaamka, wax farqi ahna u dhaxeyn in lagu dhex fadhiyo iyo in wax laguu yeeriyo.
Madaxweyne Maxamed C/llaahi Farmaajo ayaa sheegay inuu Doorashadii Qof iyo Cod uga tanaasulay markii ay gaartay in lagu kala tago iyo faragelin shisheeye oo imaan lahayd.
