Golaha wasiirada Maamul goboleedka Puntland ayaa ansixiyay heshiis la sheegay inuu madaxweynaha maamulkaasi C/weli Maxamed Cali (Gaas)
magaaladda Adis-ababa kula soo galay shirkadda dhismaha ee Shiineeska ah China Civil Engineering Construction Corporation(CCECC).
Heshiiska ayaa wwaxaa ka mida dhismaha Waddo laami ah oo isku xirta magaalooyinka Garoowe iyo Eyl iyo waliba dhismaha garoonka diyaaradaha magaalada Gaalkacayo.
War-murtiyeed laga soo saaray shirkii Golaha wasiiradda Puntland ayaa sidoo kale lagu sheegay in Puntland ay heshiis la gashay shirkadda CCECC heshiis sahmin dhanka shidaal laga sameynayo degaanada Puntland, iyadoo shirkaddu xafiisyo ku yeelaneyso Puntland.
Shirkadda CCECC oo dhistay Garoonka diyaaradaha ee Boosaaso, ayaan ahayn shirkad shidaal baaris, iyadoo aan la ogeyn qaabka ay shidaal u baari doonto iyo inayu qandaraasyo kale siin doono shirkado Shiinees ah oo la mida.
Ma cadda heshiiskan cidda maalgelin doonta, waxaan sidoo kale caddeyn kaalinta ay dowladda Itoobiya ku leedahay oo hore madaxweyne Gaas u sheegay inay hirgelineyso mashariicdan.
HOOS KA AKHRISO WAR-MURTIYEEDKA
Wadani.com
