Xasan Sheekh Maxamuud oo maanta lagu caleemo saaray magaalada Muqdisho markii labaad ee uu nqodo Madaxweynaha Soomalaiya ayaa shaaciyey inuu diyar u yahay waxbaqad iyo in lagula xisaabtano.
“Dowladeyda waxaa lagula xisaabtami doonaa waxqabad, waxayna noqon doonaa mid ka dhageysto dadkeeda, Dhabaha Dimuqoraadiyada waxaa saldhig u ah Soomaali heshiis ah Dunida heshiis la ah” ayuu ballanqaaday Madaxweyne Xasan Sheekh oo qodobkii ugu muhiinsanaa ee maamulkiisa ka dhigay waxqabad iyo isla xisaabtan.
Wuxuu sheegay inay Soomaaliya saaxiib iyo iskaashi la yeelan doonto dal kasta oo aan madax-bannaanida Soomaaliya ku xadgudbin, isla markaana u ka shaqeyn doono xiriir ganacsi oo Soomaaliya dunida la yeelato.
“Waxaan ka hortagi-doonna wax walba oo caqabad ku ah heshiiska bulshadeenna si la isugu soo dhaweeyo, waxaa Mabda’ inuu ah siyaasad arrimo dibadeed oo dhexdhexaad a,h isla markaana aanan ku milmin siyaasadaha, Soomaaliya waxay heshiis la tahay dal kasta oo ixtiraama madax banaanideenna” ayuu yiri Xasan Sheekh
wuxuu intaas ku daray in Soomaaliya ay saaxiib la ahaan doonto, dal walba oo ixtiraama Madax banaanida Dalkeeda.
Mar uu ka hadlay waxyeellada abaarta, ayuu sheegay in kumannaan Soomaali ah ay wajihi karaan macluul, wuxuuna codsaday wax ka qabashada abaartan.
Waxaa halkaasi ka hadlay Ra’iisul Wasaaraha Itoobiya Abiy Axmed oo u hambalyeeyey madaxweynaha cusub, isla markaana u ballanqaaday taageerada dawladda Itoobiya.
Madaxweynaha Kenya Uhuru Kenyatta ayaa sidoo kale sheegay inuu soo dhoweynayo dib usoo doorashada iyo caleema-saarka madaxweynaha, wuxuuna sheegay inuu kala shaqayn doono madaxweynaha cusub hagaajinta xiriirka labada waddan, sida ganacsiga.
Madaxweynaha Jabuuti Ismaaciil Cumar Geelle ayaa sheegay inuu la yimid kalgacal iyo walaaltinnimo. Waxa uu sheegay in Jabuuti ay garab taagan tahay Soomaaliya, diyaarna u yihiin inay la shaqeeyaan.
