Koox dabley ah ayaa maanta degmada Hodon ku dishay weriye Sagal Salaad Cusmaan oo ka mid ahayd weriyeyaasha Raadiyaha iyo TV-da dowladda.
Dilka Weriye Sagal ayaa naxdin weyn ku abuuray saxafiyiinta Muqdisho iyo dadkii lasoo shaqeeyay, waxaana baraha bulshada durba qabsaday tacsi loo dirayo saxafiyadda iyo tilmaamaheedii shaqsiyadeed oo laga faaloonayo.
Waxaa hoos ku qoran qaar ka mida tilmaamihii iyo tacsiyadihii loo diray saxafiyadda iyo dadka diray.
Allaha u naxariisto Sagal Salaad Cismaan. Waxaa dilay gacmo dhagar iyo dulmi u bareeray. Gabar karti leh oo da’ yar oo gacanta ku heysay 6 carruur ah oo hooyadood hore u dhimatay. Waxbarasho ku jirtay. Shaqadana si hufan u qabsata. Intii aan Joogay Radio Muqdisho ay ku soo biIrtay waxaana ka muuqtay karti iyo deganaam iyo dhowrsanaan. Allaha u naxariisto [C/RAXIIM CIISE CADDOW]
Ilaahoow ugu naxariiso sida ay kuu barisay Geerideeda ka hor,ilaahoow Ciqaabta kusoo dadaji Gacmihii Shaydeenka ee Dilay,ilaahoow sideey ugu dhawrsanayd Dunida ugu waasici Qabrigeeda… [C/RAXMAAN YUUSUF AL-CADAALA]
NUSOJ strongly condemns the brutal assassination of female journalist Sagal Salad in Hodan district Was working with TV and Radio #Mogadishu
— Hon Mohamed Ibrahim Moalimuu (@MOALIMUU) June 5, 2016
Sagal Allaha u naxariistee waxay ahayd gabar da’ yar oo mas’uul ah, korisa caruur la dhalatay oo booskii hooyadood ay u gashay, waxay kaloo ahayd shaqaale ka adag xirfadeeda iyo ardayad wax barata, taasoo muujineysa shaqsiyadda aanu ka hadlayno inaysan ahayd qof caadi ah.
ALLAHA U NAXARIISTO INAA LILLAAHI WA INAA ILEYHI RAAJICUUN
GOOBJOOGE.COM
