Iyadoo warar kaladuwan kasoo baxayaan Qoraaga Caanka ah ee dalka Sacuudiga Kamal Khashogi oo lagu waayey markii uu Talaadadii tegay Xarunta Qunsuliyadda magaalada Istanbul ee dalk Turkiga ayuu qunsulka Sacuudiga beeniyay in lagu dilay xarunta Qunsuliyadda.
Qunsulka Mohamed Al-cuteybi oo la hadlay wakaalada wararka Reuters, kuna soo wareejiyey dhismaha Xarunta uu ku maqan yahay qoraaga, wuxuuna sheegay inay ka xun yihiin arrintan iyo sida loo waayey Qoraahga, balse aanu ku sugneyn Qunsuliyadda iyo Dalka Sacuudiha midna.
Wuxuu intaas ku daray in Kaamerooyinka ku xiran Qunsuliyadda Sacuudiga ee magaalada Istanbuul aysan wax muuqaalo ah ka duubin gelitaanka iyo bixitaanka Qoraaga Jamal Khashogi ee Qunsuliyadda.
Saraakiisha Amniga Turkiga ayaa xalay laga soo xigtay inay gaareen qiimeyn ah in qoraaga lagu dhex dilay Qunsiliyadda Sacuudiga, kadibna meydkiisa laga saaray Qunsuliyadda. Waxay kaloo sheegeen in saraakiil Amni oo Sacuudiyaan ah oo gaaraya 15 qof ay isla maalintii la waayey qoraaga tageen xarunta Safaaradda, isla maalintaasina ay dhoofeen.
HOOS KA DAAWO QUNSULKA OO SAFAARADDA ALBAABADEEDA U FURAY REUTERS
