Ra’iisal wasaaraha Soomaaliya Xasan Cali Kheyre iyo Madaxweynaha Jubbaland Axmed Maxamed Islaam ayaa kormeer wadajir ah maanta ku tegay qaar ka mida Xarumaha Wasaaradaha Jubbaland.
Kkormeerkooda ayaa ku bilowday Wasaarada Arimaha gudaha iyadoo Wasiirka Wasaaradu uu sharaxaad ka bixiyay howlaha ay hayaan si gaar ah wuxuu u sharaxay hanaanka bixinta Jidadka Caasimada KMG ah iyo adeegyada loo qabto dadka kasoo laabanaya Xeryaha Qoxootiga dhadhaab.
Axmed Madoobe ayaa sheegay inay kaalmo u baahan yihiin dadka ay saameeyeen abaaraha iyo kuwa kasoo noqonaya Dhadhaab oo ay ku adag tahay in ay la qabsadaan Nolosha, loona baahan yahay in shaqo abuur loo sameeyo Jubbaland.
Madaxweynaha iyo Ra”iisul Wasaarahu waxay kaloo booqdeen Wasaarada Maaliyada iyadoo uu halkaas ku soo dhaweeyay Wasiirka Wasaarada iyo dhamaan shaqaalaha iyadoo Wasiirku uu sharaxaad ka bixiyay howlaha ay wasaaradu hada gacanta ku hayso.
