Ra’iisal Wasaaraha Soomaaliya Xasan Cali Kheyre ayaa magaalada Davos ee dalka Switzerland maanta kula kulmay Ra’iisal wasaahara Norway haweeneyda lagu magacaabo Erna Solberg.

Labada Ra’iisal wasaare ee Kheyre iyo Solberg ayaa ka wada qeybgalayay shirka sanadlaha ah ee madasha dhaqaalaha aduunka ee World Economic Forum, magaalada Davos, dalka Switzerland.

Arrimaha Kheyre u  tegay shirka Madasha Dhaqaalaha Aduunka ayaa waxaa ugu muhiimsan sidii uu maalgelin ugu heli lahaa mashaariicda  horumarinta oo xukuumadiisa ay rabto inay fuliso gudaha Soomaaliya.

Sida uu qoray wargeyska Dagbladet, Kheyre ayaa Solberg kala hadlay sidoo loo xoojin lahaa xiriirka iyo wadashaqeynta dalalka Norway iyo Soomaaliya, iyo sdiii Norway ay gacan uga geysan lahayd horumarinta Soomaaliya.

Xisbiga FRP hala ila soo xiriiraan:

Kheyre ayaa wargeyska Dagbladet u sheegay in Xisbiga Xagjirka ah ee Norwat FRP ay lasoo xiriiri karaan, haddii ay dhibaato ku qabaan Naasaboorka Norwegian-ka ah ee uu heysto.

Arrintan ayaa jawaab u ahyaad baaq hore uga soo baxay  Afhayeenka xisbiga FRP e xagjirka Norway oo ku baaqay in Xasan Cali Kheyre lagala noqdo baasaboorka Norway mar haddii uu Ra’iisal wasaare ka noqday  dalka kale. [Akhri Warkan]

Afhayeenka Xisbiga FRP ayaa arintaas ku sababeeyay inay calaamad su aal ka imaan karto dalka uu qofka heysto dhalashada labo jinsiyadood uu daacad u yahay. Ninka hadalkaas dhahayo waa Keshvari oo laftirkiisu asal ahaan kasoo jeedo dalka Iiran, Norweyna Kheyre uga soo horeeyay sadex sano oo kali ah.

Xigasho/kilde: Dagbladet.no

Xisbiga FRP ee Norway oo soo jeediyay in dhalashada laga xayuubiyo Xasan Cali Kheyre