Ra’iisal wasaaraha Soomaaliya Xasan Cali Kheyre ayaa sheegay inay Kenya tahay dowladda koowad ee saxiibka la ah Soomaaliya, kana shaqeysa sidii dowladnimo loo gaarsiin lahaa dalkiisa.
Isagoo ka hadlayey xaflad ka dhacay Guriga dowlada ee magaalada Nairobi oo uu kula kulmay madaxweynaha Kenya Uhuru Kenyatta in xiriirka weyn iyo iskaashiga ka dhaxeeya dalalka Kenya iyo Somalia u wanaagsan yahay xasiloonida iyo horumarka Bariga Afrika.
Kadib markii madaxweynaha Kenya u gudbiyey farriin tacsi ah oo ku saabsaneyd weerarkii Dusit D2 ee Alshabaab ayuu Ra’iisal wasaare Kheyre sheegay inuu bogaadinayo kaalinta ay Kenya uga jirto xasiloonida iyo dhismaha dowladnimo ee Soomaaliya, wuxuuna madaxweynaha Kenya Uhuru Kenyatta ku sheegay saaxiib dhab ah oo ay Soomaaliya leedahay.
Dowladda Soomaaliya ayuu sheegay inay ku jirto isbedel weyn oo lagu sameynayo dastuur cusub, isla markaana lagu daabacayo lacag cusub iyo waliba dhismaha ciidamo xoog leh oo horseedi xasilooni.
Ra’iisal wasaaraha Soomaaliya wuxuu sheegay in Soomaaliya ay xilligan ka howlgalaan shaqaale Kenya u dhashay oo gaaraya 50,000 qof oo ka shaqeeya dhinacayda kala duwan ee dhaqaalaha.
HOOS KA AKHRISO
Kenya is Somalia’s foremost development partner, says Prime Minister Khaire
