Wararka laga helayo magaalada Boosaaso ayaa sheegaya in rasaas laga maqlay magaalada, iyadoo ay muddooyinkii danbe xiisad ka taagneyd.
Sida ay sheegeen dadka magaalada waxaa la maqlay dhawaqa rasaas goosgoos oo ay is weydaarsadeen Ciidamada dowladda iyo ciidanka Hay’adda PSF oo ku sugan xaruntooda magaalada, una dhow Dekadda.
Wararkii ugu danbeeyay ee magaalada Boosaaso ayaa sheegaya inay rasaasta dhaceysa ay teelteel tahay, isla markaana xaalad kacsan ay ka jirto magaalada.
Arrintan ka danbeysay shaqaaqooyin dhacay xalay oo ciidamada Puntland ay xireen laba askari oo ka tirsan ciidamada PSF. Xalay ayaa magaalada waxay gashay dhaqdhaqaaq ciidan, markii ciidamada Puntland la dhigay xaafadda Ridwaan ee ay dagan yihiin ciidamada PSF.
Labada ciidan ayaa bilaabay is rasaaseeyaan ka dib 10-kii subaxnimo. Weli waxaa socota rasaasta, laakiin lama soo werin dagaal buuxa oo xoog leh.
