Ra’iisul Wasaaraha Xukuumadda xilgaarsiinta Maxamed Xuseen Rooble iyo wafdi uu hoggaaminayo ayaa socdaal rasmi ah maanta uga bilowday dalka Isutagga Imaaraadka Carabta.
Socdaalka ayaa ah kii ugu horeeyay uu dalka Imraadka ku tago mas’uul sare, tan iyo intuu uu xumaaday xiriirka labada dal 2018, wuxuuna dib u soo noolaaday markii cudurdaar bixiyey Rooble, kasoo la xiririay lacag Imaaraadka looga qabtay Garoonka Aden Cadde.
Ra’iisal wasaaraha ayaa kulammo la yeelan doona madaxda Imaaraadka Carabta, si loo xoojiyo xiriirka iyo iskaashiga labada dal. Waxaa garoonka diyaaradaha Aadan Cadde ka sii sagootiyay Ra’iisul Wasaare ku-xigeenka dalka Mahdi Maxamed Guuleed.
Dhinaca kale saacado gudahood safarka Ra’iisal wasaaraha waxaa qoraal soo saaray Guddoomiyaha Maxkamadda Gobolka Banaadir, kaasoo lagu amray Guddoomiyaha Bankiga Dhexe iyo Wasiirka Maaliyadda Xukuumadda Federaalka inaan Khadnada dowladda laga saari karin lacagtii Imaaraadka Carabta ee gaareysay 9.6 Milyan illaa laga soo dhameynayo baaritaanka iyo go’aan ka gaarista kiiska lacagtaas ee horyaala Xafiiska Xeer Ilaaliyaha iyo hey’addaha baarista.
Arrintan oo wararku sheegayaan inuu ku lug leeyahay Madaxweynaha xilkiisu dhammaaday ee Farmaao ayaa lagu soo beegay, socdaalka Ra’iisul Wasaaraha oo horay u shaaciyey in lacagtii Imaaraadka Carabta dib loo celinayo.
