Ra’iisal wasaaraha xukuumadda xilgaarsiinta ayaa shaqadii ka joojiyey Wasiirka Arrimaha dibadda, kadib markii lagu eedeeyay musuqmaasuq ay ka mid tahay inuu fasax siiyay Markab Dhuxul sida oo ku sugnaa dalka Cumaan.
Qoraal kasoo baxay Xafiiska Ra’iisal wasaaraha ayaa Wasiirka arrimaha dibadda Cabdi-Saciid Muuse Cali lagu eedeeyay inuu ku kacay fal uu ku fasaxay Markab Dhuxul sharci darro ah ka qaaday dalka oo hadda ku xiran xeebaha dalka Cumaan.
Ra’iisal waasaare Rooble wuxuu buriyey oo sharci darro ka dhigay Warqadda Wasaaradda Arrimaha dibadda ku fasaxday Markabka, waxaana shaqadii laga joojiyey Wasiirka Arrimaha dibadda Cabdisacid Muuse Cali.
Ra’iisal wasaare Rooble ayaa sidoo kale wareegto uu soo saaray 14-kii bishan, ku baabi’iyey dhammaan shaqaalaha dowladda ee wasiirka uu beddelay ama shaqada ka qaaday laga billaabo Janaayo 1, 2022, taasi oo uu sheegay inaysan waafaqsaneyn go’aankii Golaha Wasiirrada.
Wasiirkan oo saaxiib dhow la ahaa madaxweynihii hore Maxamed C/llaahi Farmaajo ayaa dhowaan Ra’iisal wasaare Rooble baabi’iyey isbedel iyo xilal uu magacaabay xilligii kala guurka, waxaana uu sidoo kale ku lug yeeshay shaqaaqo ka dhacday magaalada Gaalkacyo.
HOOS KA AKHRISO
