Qoraal Caawa kasoo baxay Safaaradda Mareykanka ee magaalada Muqdisho ayaa ayaa lagu sheegay in Safiirka Mareykanka ee Soomaaliya Donald Yamamoto uu wado kulamo uu ku dardar gelinayo xiriirka Dowladda Federaalka Soomaaliya iyo Maamul Goboleedyada, isagoo kulamo magaalada Nairobi kula yeeshay Madaxweynayaasha saddex maamul Goboleed oo ku sugan dalka Kenya.
Safiir Yamamoto ayaa la kulmay 4 ka mida madaxda 5-ta maamul Goboleed ee Soomaaliya, wuxuuna kala hadlay sida ay muhiimka u tahay iskaashi dhex maray dowladda federaalka iyo maamul Goboleedyada sanadkan oo muhiimka ah ee doorashadu dhaceyso, lsi looga jawaabo xaaladaha amniga ee haliska gelin kara.
Safiirka Mareykanka ee Somalia ayaa maanta la kulmay Madaxweynaha Jubbaland Axmed Madoobe, wuxuuna safiirku caddeeyay sida degdegga loogu baahan yahay in Jubbaland ay dhammeyso khilaafka dhex yaalla, una soo jeesato dagaalka Alshabaab, wuxuuna Axmed Madoobe kala hadlay xalinta khilaafka kala dhaxeeya dowladda Somalia iyo dardar gelinta dagaalka Alshabaab, sida lagu sheegay qoraalka ka soo baxay afhayeenka safaaradda Mareykanka Ryan Grizzle.
Dhinaca kale Safiir Donald Yamamoto wuxuu la kulmay Madaxweynayaasha Puntland Siciid C/llaahi Deni iyo K/Glbeed C/casiis Xasan Maxamed oo ay ka wadahadleen taageerada uu siiyo Mareykanka xiriirka dowladda Federaalka iyo xoojinta dagaalka Alshabaab.
