Ciidamo hubeysan ayaa weerar ku qaaday taliska qeybta Booliska Gobolka Nugaal, sida ay sheegeen mas’uuliyiinta Gobolka Nugaal.
Weerarkan oo ku cusub magaalada Garowe ayaa lagu eedeeyay inay qaadeen saraakiil iyo ciidamo shaqada laga saaray, waxaana ku dhaawacmay sarkaal ka tirsan ciidamada Puntland oo kamid ahaa ciidamadii saldhigga la weeraray ku sugnaa.
Ciidamada ku qaaday weerarka Saldhigga dhexe ee Magaalada Garoowe ayaa la sheegay inay ka badnayeen 30 askari iyo saraakiil horeshaqada looga eryay, kadib markii lagu soo eedeeyay inay gudan waayeen shaqadooda.
Gudoomiyaha gobolka Nugaal Cumar Farawayne iyo Taliyaha qaybta ayaa sheegay in weerarkan ay soo qaadeen in ka badan 30 sarkaal iyo ciidamo ay wateen oo ka Gadoodsanaa shaqo fariisn lagu sameyay kadib markii ay ka soo bixi waayeen Waajibaadkooda.
Gudoomiyaha gobolka Nugaal ayaa sheegay in ragga weerarka soo qaaday la soo taagi doono Maxkamada ciidamada qalabka sida, waxaan uu Hay’adaha amniga uu ku amray in la soo qabto.
