Wafdi oo uu hogaamainayay Wasiirka arimaha Dibada ee dalka Qatar Khaalid Bin Maxamed Cattiya ayaa maanta booqasho ku tegay magaalada Muqdisho isagoo ka degay garoonka caalamiga Aadan Cabdule iyadoo soo dhoweeyay wasiirka arimaha dibada ee xukuumada Soomaliya mudane Cabdisalaam Hadliye Cumar, taliyaha ciidanka sirdoonka iyo nabad sugida qaranka Janaraal Cabdiraxmaan Maxamuud “ Tuuryare”, gudoomiyaha gobolka Banaadir, Mudane Xassan Maxamed Xuseen “Muungaab”, iyo mas’uuliyiin ka socotay safaarada dowlada Qatar ay kuu lee dahay Soomaaliya.
Wasaiirka arimaha dibada dalka Qatar iyo mas’uuliyiintii la socotay ayaa waxaa loo galbiyay aqalka madaxtooyada halkaasi uu kulan Kula qaatay Madaxweynaha Soomaliya Xassan Sheekh Maxamuud iyo Ra’isal wasaaraha xukuumada Soomaaliya Cumar Cabdi Rashiid Cali Sharmarke iyagoo ka wada hadlay xoojinta xiriirka ka dhaxeeya labada dalk iyo sidii dowladda Qatar ay u dardargelin lahaayeen taageerada ay siiyaan Soomaaliya.
Kulanka kadib wasiirka arimaha dibada ee dalka Qatar Khaalid Bin Maxamed Attiya oo la hadlay Warfidiyeenka ayaa sheegay in uu aad ugu faraxsanyahay imaanshaha Soomaliya isla maarkaana waxaa uu sheegay in uu dalka ku arkay isbedel wanaagsan oo horumaro kala duwan isugu jira.
Wuxuu intaa ku daray in dowladiisu ay ka qeyb qaadan doonto dib u dhiska Soomaaliya waxaana uu tilmaamay in ay gacan ka geysan doonto gurmadka loo fidinaayo qaxootiga ka soo cararaya dagaalada ka socda dalka Yeman ee soo gaaraya Soomaaliya.
Sidoo kale wasiirka arimaha dibada ee Xukuumada Soomaliya Mudane cabdisalaam Hadliye Cumar ayaa sheegay in ay arimaha ay ka hadleen wasiirka arimaha dibadda ee Qatar ay kamid tahay xoojinta Amniga Soomaaliya.
“Waxaan ka wada hadlaynay sidii aan isga wada kaashan laheyn xaga maniga,xaga caafimaadka iyo arinta Yeman qaxootiga, anaga iyo dowladda Qatar qadiyadda ka socota Yeman isku si ayaanu u aragnaa waxaan rabnaa dadka Yemanta ah in ay nabadgeliyo ku wada noolaadaan” ayuu yiri wasiirka arimaha dibadda Soomaaliya.
Wasiirka arimaha dibadda Qatar ayaa sidoo kale waxaa uu kormeerey qeybo kamid ah magaalada Muqdisho ayagoona iska maanta dib ugu laabtay dalkooda.
